Kulturskulekonsert og Sommaravslutning
Det har tidlegare vore annonsert Kulturskulekonsert (som skal kombinerast med sommaravslutning for skulen) på Jøsneset skule 19.juni. Rektor Rasin Tjeltveit melder nå at denne truleg blir utsett til torsdag 20.juni. Årsaka til utsetjinga er at Kommunestyret skal foreta endeleg behandling av sparesaka i kommunestyret den 19.juni - der nedlegging av Jøsneset skule er eit sentralt tema. Alt er framleis i uvissa kva gjeld framtida til skulen !! Meir info følgjer
Seier til Jøsnes-gut i Viglesdalløpet
Jasin Hjorteland Gbada til høgre sprang òg i år inn til seier i Juniorklassen i Viglesdalløpet med tida 1.21.49. Dei neste plassane vart òg som i fjor; Tobias Topp Sandvik på 2. plass med tida 1.27 og Svein Hjørungdal, Hjelmeland på 3.plass. Herreklassen og vinnar totalt: Henning Mæhle frå Strand, Damer: Lene Egeland Kyllesø vant av damene, medan søstrene Mari og Kristin Hetleseter fekk 1. og 2. plass i juniorklassen for jenter.
Visning i dag søndag 16.juni 14-15.00
Austad er til salgs: eit flott lite småbruk som ligg i Skiftudalen midt i hjarta av Solbygda....ja for sjå berre på headingen til nettsida vår: Fotoet er tatt frå....ja, nettopp Austad !! Eigdommen er annonsert på FINN.NO, så der finn du all salgsinformasjon !!
Fleirtal for nedlegging av Jøsneset skule
Formannskapet som partsamansett utval behandla i dag sak om Omstillingsprosjektet; inkludert skulestruktur.
Når det gjeld skulestruktur, så gjekk fleirtalet inn for at kun Jøsneset skule skal leggjast ned, ingen andre endringar i skulestruktur. Dette forslaget fekk 6 røyster: Bjørn Laugaland og Per Inge Egeland i SP, Lin Veronika Jacobsen i AP og Håkon Helgøy i KrF, samt to tillitsvalde (men dei får ikkje stemme vidare i kommunestyret).
Deretter var det to røyster for å leggje ned både Fister og Jøsneset: Anne Berit Rinde i KrF og Ola Ingvaldstad i FrP.
Ordførar Trine Danielsen H fremja forslag om å behalde Jøsneset, men dele frå 5-7 trinnet frå Fister skule. Ho fekk kun si eiga stemme.
Altså: Fleirtalet i Formannskapet er for nedlegging av Jøsneset skule. Dei vedtok òg at før saka kjem til Kommunestyret den 19.juni vil de ha utgreidd konsekvensen av å kjøpe elevplassar for Jøsenfjordelevane på Erfjord skule.
På Folkemøtet som var på Samfunnshuset seinare i kveld kunne SV sin representant Eva Kristin Aune fortelje at ho vil stemme for nedlegging av Jøsneset, medan Johan Mjølhus i Venstre går inn for ingen strukturendring i skule.
Det er framleis nokon av politikarane som ytra at dei er i tvil, og at dei tykkjer det vanskeleg, og ein del av dei som sit i kommunestyret har enda ikkje ytra kva dei meiner. Så det er framleis uavklart fram til kommunstyretmøtet 19.juni. ...sjølv om det var svært så klart i Formannskapet.
( NB: her er det kun forholdet til skule-struktur som er kommentert; ikkje dei andre einingane).
Foreldregruppa på Jøsneset samt Jøsneset Bygdaråd hadde sendt inn skriv til kommunen i forkant av Formannskapsmøtet. Frå Jøsenfjorden er det òg sendt inn skriv.
Modige elevar talar til politikarane
Det blir hevda og meint mykje om små skular for tida; sist nå i folkemøtet med politisk panel som blei avhalde på Jøsneset 29. mai. Ein ting er sikkert: små skular kan også skape modige, samfunnsengasjerte og sosialt oppvakte elevar. Dette beviste både Elise (10) og hennar medelevar Kristiane og Amber på møtet i kveld: For uoppfordra og med lettare overraska foreldre til stades, så reiste dei seg opp, ba om ordet og talte i mikrofon til forsamlinga på ca 50 tilhøyrarar frå Jøsneset og Jøsenfjorden og til 5 kommunepolitkarar om kva dei meiner om planane for nedlegging av Jøsneset skule. Dei fekk fram sine poeng; dei trives på denne vesle skulen, og tykkjer dei har ein god skule, er glade i dei nye leikeapparata og syns det er trist viss skulen blir lagt ned. Viktig at barn sine stemmer kjem fram òg i slike store debattar !
Søndagstur til Reinarknuten
Hjelmeland Turlag inviterar deg med på kjempefin tur til Reinarknuten søndag 26.mai.
Dette er den flotte, høge nuten opp frå Tysdalsvatnet; ein nut som du ser frå Jøsneset.
Kanskje du vil opp å vinke heim? Les meir på den åpne Facebooksida til HJELMELAND TURLAG