Foto: Helga Havnerås

Årets 17.mai-feiring blei tradisjonell - nær og kjær. Toget blei relativt "snedde" i år med færre barn og relativt få tilreisande - men det er jo kje plent kvantiteten som gjeld - men kvaliteten - og i front kjørte Vebjørn med sine blåe Ford - tett fulgt av flaggbærarane, komiteen, kommunelegen og bygdefolket - "No livnar det i lundar" ljoma atter ein gong utover Skiftudalen som seg hør og bør på nasjonaldagen

Ja, du lurte kanskje på kvifor kommunelegen var å sjå i toget?...ingen akutt utkalling, men derimot ein vel planlagd 17-mai-talar:


John N Nessa var nemlig årets 17-mai-talar på Jøsneset - og han "leverte varene" - i talen var han innom historiske tilbakeblikk for vår tids feiring, globale samanlikningar av nasjonsfeiringar, lokale tradsisjonar og ikkje minst var han innom helsesperspektivet - han minna oss på verdien av å bruke og utfordre kroppen reint fysisk, men mest av alt minna han oss på at GODE SOSIALE RELASJONAR til våre medmenneske - til familie, venner og medbygdingar - DET er faktisk det viktigaste for trivsel og god folkehelse ! Ei god påminning !

Sidan gjekk det slag i slag - ikkje minst på spiker-stabben - Her blei det slått slag på slag - og den yngre garde imponerer stadig  - ein treng ikkje vere veteran-tømmermann for å vere meister i spikring - det kunne både Stian og Runar og Elise slå fast (bokstaveleg talt). Dei viste at spikern kan gå til bånns kun med eitt slag og to slag - om ein berre treff !! Her er Elise og Runar i finalen - fordi dei stod likt. Elise gjekk til slutt av med seieren i barneklassen.

Mange andre kjekke leiker og konkurransar: klossebygging, flaskebowling, luftgevær, pilkast, Quiss både ute og inne og ikkje minst årets nykommar: Lykkehjul - der mange håva inn ein fin liten premie på å snurre Jøsnes-hjulet.

Til slutt blei det sekkeløp og her er jentene i fullt firsprang !!

Takk for lokal, koseleg feiring.